Yeni Kəşflər

Astronomlar ilk dəfə Günəş sistemindən kənarda su tapıblar

Peqas bürcündə yerləşən sulu planet Yerdən 150 işıq ili uzaqlıqdadır
Astronomlar ilk dəfə olaraq Günəş sistemindən kənarda yerləşən planetdə su tapıblar. ANS PRESS «Reuters» agentliyinə istinadən bildirir ki, su buxarlarının izləri Amerika alimləri tərəfindən Peqas bürcünün Yupiterə bənzər HD 209458b planetinin atmosferində aşkar edilib. Bu elmi tapıntının müəlliflərindən birinin dediyinə görə, yenilik bu tipli çox planetdə suyun olması ilə bağlı ehtimalları təsdiq edib. HD 209458b planeti Yerdən 150 işıq ili uzaqlıqdadır. Onun öz «günəş»i ətrafında fırlanma dövrü çox kiçikdir - cəmi 3,5 Yer sutkasına bərabərdir. Buna görə də alimlər onu çox asanlıqla müşahidə edə biliblər.
Başqa planetlərdə suyun olub-olmaması məsələsi alimləri həmişə xüsusi olaraq narahat edib, çünki onun olması orqanik həyatın yaranmasının ilk şərtlərindən biridir. Xatırladaq ki, Marsda uzun sürən su axtarışları hələ ki, dəqiq bir nəticə əldə etməyə imkan verməyib.

Suyun olamasının üzvü heyatın başlanğıcı olması mence absurddur.

Admin yazıb:Olmağına olmaz amma bu o demek deyil ki heyat suda başlamalıdı.

Başqa planetlərdə suyun olub-olmaması məsələsi alimləri həmişə xüsusi olaraq narahat edib, çünki onun olması orqanik həyatın yaranmasının ilk şərtlərindən biridir.

Kim deyir ki həyat suda başlamalıdı?Yəni ki orda həyatın mövcud olması üçün suyun olması vacibdir.

soruşmaq ayıb olmasın siz burda neyi müzakire edirsiz?

admin qağa bioloq oldun gerek olmayana qulp qoyasan?!?!?! falcon uşaq düz deyir deee... [ su heyatın başlanğıcıdı]

Əlbəttə, Yerdən başqa heç bir yerdə həyat yoxdur. Yazılanları diqqətlə oxuyun, onda görəssiz ki heç kəs başqa planetlərdə həyat olduğunu yazmayıb. Mübahisə suyun həyatın başlanğıcı olması və ya susuz həyatın olub-olmamasından düşdü. Hər halda suyun insan orqanizminin 70%-indən çoxunu təşkil etdiyini demək bu əsassız mübahisəyə nöqtə qoyulamsına bəs eliyər.

Elmin inkişafı kişiləri məhv edəcək.Alimlər sümük iliyindən erkek hüceyrələri əldə etməyə nail olublar.Bununla insanın nəsil artımında kişilərin rolunu azaldacaq nailiyyət əldə edilib.Laboratoriyada əldə edilmiş nəticələrə görə, bu üsüllarla yalnız qız uşaqları doğula biləcək. Çünki oğlan uşağının dünyaya gəlməsi üçün lazım olan «Y» xromosonu yalnız kişilərdə olur.

tible bagli bu melumatin menbesin de da mene

ANS in saytından
http://ans.az/nid14272.html

Xərçəngin dərmanı çaydır

ABŞ alimlərinin tədqiqatları nəticəsində məlum olub ki, gündə iki fincan çay içmək dəri xərçəngi riskini 65 faiz azaldır
Gündə iki fincan çay içmək dəri xərçəngi riskini azaldır, limonlu çay isə bu riski 65 faizə kimi endiririr. Bu nəticəyə 1400 dəri xərçənginə yoluxmuş adamı tədqiq edən Amerika alimləri gəlibələr. Alimlərin sözlərinə görə, çayı limonla içmək bu riski daha da azaldır. Araşdırmaların nəticələri "European Journal of Cancer Prevention" («Avropa Xərçəngin qarşısının alınması» jurnalı) adlı tibb jurnalında dərc edilib. Alimlərin qənaətinə görə, çayın içindəki "polifenol" maddəsi antioksidan özelliyi sayəsində xərçəngdən müdafiə edir. Ancaq alimlər bildirirlər ki, bütün bunlar dərini xərçəngdən qorumaq üçün kifayət deyil. Bunun üçün ən yaxşı vasitə dərini günəşdən qorumaqdır.

İsrailli həkimlər ağıllı diş ixtira ediblər

İxtiraçıların bu kəşfi məhz yaddaşı zəif olduğundan dərmanları lazımi vaxtda qəbul etməyi unudan pasientlər üçün nəzərdə tutulur
İsrailli alimlər ağıllı diş ixtira ediblər. Hər kəsə bəllidir ki, həkimin yazdığı dərmanları vaxtı-vaxtında qəbul olunması müalicə prosesində əhəmiyyətlidir və həkimlər adətən bunu dönə-dönə pasientlərinə xatırladırlar. Lakin bu tələbləri yerinə yetirmək, xüsusilə də əgər insanda yaşla və ya genetikayla bağlı yaddaş zəifliyi varsa, problem yaradır. İxtiraçıların bu kəşfi isə məhz yaddaşı zəif olduğundan dərmanları lazımi vaxtda qəbul etməyi unudan pasientlər üçün nəzərdə tutulur. Yeni kəşf olunan ağıllı dişi əldə etmək üçün sadəcə diş həkiminə getmək lazımdır. Vaxtında və lazımi miqdarda dərman püskürən diş çənə sümüyünə implantasiya edilir. Bunundan sonra dərman qəbulu haqqında düşünməmək olar. Sadəcə olaraq, implantı arada bir lazımlı dərmanla doldurmaq gərəkdi. İmplantı da doldurmağı unudanlar üçün isə, preparat hazırlamaqda tibb elmi hələ ki, acizdi./ANS/

Yaponiyalı alim ilk android yaradıb

Ən yeni texnalogiyalar vasitəsi ilə yaradılan robot nəfəs almağa bənzər hərəkət də daxil olmaqla, insanın bir çox hərəkətlərini icra edə bilir
Yaponiyanın Osaka şəhərində universitet professoru olan Xeroşi İşequra rəhbərlik etdiyi elmi kollektivin ən yeni texnologiyalar əsasında hazırladığı robotu nümayiş etdirib. Robotun adı Jeminoydur. Böyük zəhmət hesabına başa gəlmiş bu robot zahirən professor İşequranın təkrarıdır. O, dərisində yerləşdirilmiş 50-yə qədər elektron qurğunun fəaliyyəti sayəsində hərəkət edir. Robot nəfəs almağa bənzər hərəkət də daxil olmaqla, insanın bir çox hərəkətlərini icra edə bilir. Professor İşequra bu aparatın özünə tam oxşamasına nail olmaq üçün onun başına hətta öz tüklərini də əkib. O, hesab edir ki, bu robot gündəlik həyatda faydalı işlər görə bilər. Məsələn, professorun vaxt çatışmazlığı ucbatından görə bilmədiyi işləri bu robota həvalə etmək olar. Əlavə edək ki, bu ixtiranın əsasında da elə robotların insanın köməkçisi ola bilməsi ideyası dayanır. /ANS/

Keçəlliyin dərmanı tapılıb
Yeni kəşf yaraların sağalmasının və regenerasiyanın müxtəlif aspektləri üçün də ümidvericidir
Pensilvaniya Universitetinin alimləri yeganə gendən istifadə etməklə saç göyərtməyin mümkün olduğunu deyirlər. İnsan başında 100 min kiçik saç kisəciyi - follikulu var. Onların hər birindən bir saç göyərir. Pensilvaniyalı alimlər müəyyən ediblər ki, yaraların sağalmasında mühüm rol oynayan "wnt" adlı gen yeni saç follikullarının istehsalında da rol oynayır. Sınaq zamanı siçanlardan dərinin kənar qabığının - epidermisin kiçik hissələri çıxarılıb. Təkcə bu addımdan sonra yaralanmış sahədə hüceyrə aktivliyi müşahidə olunub. Bu zaman yeni saç follikulları peyda olmağa başlayıb. Lakin "wnt" geni blokirovka ediləndə, saç follikulları istehsal edilməyib. Ancaq gen daha da gücləndiriləndə, onları sayı xeyli artırmış. Alimlər hesab edirlər ki, onların icadı yeni müalicə yolları üçün başlanğıc ola bilər. Bu icad sadəcə keçəlliyin müalicəsi üçün yox, yara sağaltmağın və regenerasiyanın müxtəlif aspektləri üçün də ümidvericidir. /ANS-PRESS/